30ª idison di Festival di Gamboa ta omenageia Heavy H

30ª idison di Fetsival di Gamboa ta kontisi na dia 17, 18 i 19 dês mês dentu di atividadi komemorativa di dia di Munisípiu di Praia.

Eventu ki es anu ta omenageia artista i empresáriu, Helder augusto Silva, mas konxedu pa Heavy H ta kontisi ku lema: Gamboa 2024: Pa Tolerânsia i Otonomia Na Pensamentu.

Heavy H nâsi dia 5 d´outubru di 1974 li na Praia. Artista tem lansadu 5 disku lansadu.Sambadjudu Ku Badiu, Rabenta Bolha, Bom Pa Filmi Ah, Minis i Amigo.

Aposta d´organizason ta kontinua ta ser num kartaz eklétiku, maioria formadu pa artistas ki ta mora na país, ta priviligeia diferenti sonoridadi pa diferenti tipu di públiku.