Samuel Freire e Edena Lima ê kês vensidôr di meia-maratona di 12º idisôn di kurrida liberdadi, organizadu pa Câmara di Praia.
Na maskulinu, Samuel Freire, atleta kabu-verdianu di Benfika di Purtugal, supêra Wilson Cabral e Artur Silva e na femininu Edena Lima bati Crisolita Rodrigues e Ana Furtado.
Na prova di 10 kilómetru maskulinu António Cardoso dexa pa traz Quelton Lomba e Kueny Miranda e na femininu Liriel Diogo dêxa pa traz Aleida Santos e Jessara Xavier.
Na veteranus, 21 kilómetru,vensidôr, na maskulinu, foi Hailton Andrade e na femininu kenha ki gánha foi Crisolita Rodrigues. Si traz fika Sandra Teixeira e Ariana fermino. Na Paralímpiku maskulinu prova konkistadu pa Carlos Araújo.
Na Skóla, katiguria di 4 kilómetru, vensidôr foi Samuel Veiga siguidu pa Éder Semedo e João Silva.