Kantôr kabu-verdianu Miroca Paris tem programadu pa oji um spetákulu na Capitólio, na Lisboa.
Multi-instrumentista stá bai aprisênta D’Alma, si disku editadu na 2018, konsidradu um di kês midjôr dikêl anu na Purtugal.
Ôtu kabu-verdianu ki tem show oji na strangêru ê Dino d’Santiago ki ta atua na Londres,Inglaterra, e bilhêti pa show djá stá esgotadu.
Autôr di disku Nova Lisboa ê deskritu komu strela kabu-verdianu di Rhythm & Blues e sala nundi kê stá bai atua ê konshedu pa promôvu músika di mundu na kapital britânika.
Atualmenti, tudu dôs kabu-verdianu tem stadu ta kumpanha rainha di pop, Madona, num digressôn mundial. Êss simana li ês atua kuêl na Purtugal – Miroca komu instrumentista e djuntu ku Dino Madona canta Sodade.