Regiunal di Són Visênti: Batuco passa ta lidera prova, sábadu, dipôs kê derrota Ribeira Bote pa 3-1, na djogu ki abri 4ª jornada di prova.
Batuco stá ku 10 pontu – três a más ki Mindelense ki impata um igual ku Farensi. Tambê Salamansa gánha Académica pa 2-1 e Derby gôlia Castilho pa 5 – 1.
Regional di Bubista: ikipa di Sal-Rei kontinua na liderança dipôs di gánha Akadémika, pa 2-0, na djôgu di 5º jornada di kampiunatu.
Ikipa stá ku 12 pontu – dôs a más ki 2º lugar Onze Estrelas e três a más ki 3º lugar – Akadémika.
kês ôtu djogu di 5º jornada fika assim: Onze Estrelas 2 – Juventude 0 – Sanjoanense 3 Sporting 2 e África show 3 – Desportivo 0.
Regional di Saniklau: Belo Horizonte subi pa pruméru lugar di kampiunatu dipôs di gánha Ultramarina pa 3-2.
Na kês ôtu djogu di 2º jornada Akadémica ganha Talho pa 1-0, mésmu resultadu ki Ribeira Brava derrota Atlétiku e Djogu entri Praia Branca e Ajat termina sem gôlu.
Regiunal di Djarfôgu: Ês fim di simana djugadu 10º jornada e ABC di Patim pêrdi pa nónu bez na kampiunatu – ê perdi pa 2 – 1 ku Nova Era e ê stá kada bez más pertu di dixi pa 2º skalon.
Tambê tevi: Cutelinho 2 – Botafogo 2, Spartak 3 – No Pintcha 2, Vulcânico 4 – Académica 1, e Valencia 0 – Atlético 0.
Tabéla ê lideradu pa Vulcânico ku 28 pontu siguidu pa: Botafogo (22); Académica 18; Spartak 17; Valência e Nova Era 15; No Pintcha 1; Cutelinho 8; Atlético 7 e ABC di Patim 1 ponto.
Regiunal di Djarmaio: kampiunatu stá na 4ª jornada ku Académico 83 e Morerrense tudu ku 10 pontu na 1º lugar di tabela e Real Marítimo na fundu di tabela sô ku um pontu.
Ês fim di simana Mira-Mar gánha Onze Unidos pa 2-0 e Akadémica impata 1 igual ku Real Marítimo.
E na 2º divisôn Cruzeiro gánha Santa Clara pa 1-0 e Figueirense gánha Beira-Mar pa 2-0.
Regiunal di Santiagu Nórti: Flor Jovem impata ku Grémio de Nhagar 1 igual na djogu di oitavu jornada e mésmu assim ê ta kontinua líder di kampiunatu ku dôs pontu a más ki 2º lugar Beira Mar ki impara 0 – 0 ku São Lourenço.
Tambê impata 0 – 0 Desportivo – Scorpions – na kês ôtu djogu: Varrandinha gánha Estrelas dos Amadores pa 3-1 e Benfica gánha AJAC pa 2-1.
Flor Jovem stá lidera ku 16 pontu siguidu pa Beira Mar (14),Varandinha (13), Scorpions (12) – Estrelas dos Amadores, Grémio e Benfica stá dividi 5º lugar ku 11 pontu kada. Dipôs ta bem São lourenço, Ajac e lanterna vermelha ê Desportivo.