Andreia Gibau skodjedu pa riprisenta Nova York na Miss Merka 2020.
Kabu-verdiana di 24 anu ta riprisenta sidadi na konkursu Miss Merka e kazu é ganha inda é podi riprisenta Merka na Miss Universo.
Andreia Gibau ganha na 2015 konkursu Miss Teen Merka e tambê é leba faixa di Miss Fotogénia.
Kabu-verdiana tambê riprisenta Merka na konkursu internasiunal Miss Earth 2017, undi é fika entri kes 16 semifinalista num lista di 85 konkurrenti.
Andreia Gibau nâsi 03 di Agostu di 1995, na Kelém, na Txada Santantoni. Kabu-verdiana imigra pa Merka ku alguns meses djuntu ku si família.