Kantora di 18 anu, Billie Eilish fazi stória na 62 idison di Grammy, ta leba sinku prémiu pa kaza.
Artista ki sta konkorreba na sais katiguria, risebi 4 di kes prinsipal prémiu di noti: Artista Rivelason, Musika e Gravason di Anu pa susessu Bad Guy e Disku di Anu pa si álbum di streia We All Fall Asleep, Where Do We Go ?
Ko kela é torna na prumeru mudjer ta leba tudu kes prémiu la dum bez só pa kaza.
Irmon e produtora di Billie Eilish, di 22 anu també fazi stória pa ser alguem mas novu ta risebi prémiu di Produtor di Anu, alem di konkista prémiu como Ingenheru di Som pa disku di kantora.
kes otu premiu di noti ku mas distaki é di: Midjor Performance Solo ki bai pa lizzo ku musika Truth Hurts, Midjor Performance Duo/Grupo Pop, Old Town Road di Lil Nas ku Billy Ray Cyrus e Midjor Performance Solo Pop intregadu pa músika Spirit di Beyoncé.
Grammy 2020 ki fazi um ominagem pa djugador di basket Kobe Bryan, ki morri num assidenti di aviason djuntu ku si fidju femea, na noti di iventu foi aprisentadu pa Alecia Keys.