Êss fim di simana djugadu 18ª jornada di kampiunatu regiunal di Santiagu Sul. Um jornada markadu pa duelu entri líder Académica e Celtic, ki staba na 4º lugar di prova, nundi ki Akadémika ganha pa 1-0 e ê simênta si liderança.
Tambê tevi: Vitória 0 – Bairro 1, Asa Grande 2 – Benfica 4, Sporting 1 – Boavista 0, Relâmpago 1 – Travadores 1 e Unidos do Norte 3 – Desportivo 4.
Na klassifikasôn geral Académika stá karapatidu na lidêrnça ku 50 pontu, siguindu pa Boavista (39), Travadores (39), Celtic (34), Sporting (31), Bairro (26), Unidos do Norte (19), Desportivo (16), Benfica (15), Vitória (14), Relâmpago (10) e Asa Grande (06).
E na Santantôn Norti djá difinidu kampiôn di regional dessa anu. Santo Crucifixo gánha bi-kampiôn di kampiunatu dipôs di gánha Paulensi pa 4-0.
Ikipa konkista regiunal ta falta inda três jornada pa fim di prova ku 31 pontu frutu di 10 vitória e 1 empati. Ikipa marka 23 gôlu e ê ka sufri nenhum.
E na Santantôn Sul Académica e Tarrafal stá dividi liderança di prova ku 21 pontu, kada kenha.
Na Són Visênti disputadu 12ª jornada di prova e Académika manti na liderança ku 23 pontu, siguidu pa Mindelensi ku 20 e Derby 16.
Na Saniklau djugadu 9ª jornada e Ribeira Brava manti na liderança ku 18 pontu. E na Boa Vista liderança ê di Sporting ki stá ku 30 pontu.
Na Maio kenha ki st abai na frênti ê Figueirensi ku 22 potu e na Fogo liderança ê di Académica ki finda 15ª jornada ku 37 pontu. Na Brava kenha ki stá bai na frênti ê Morabeza ku 16 pontu.