Kantôra di Reggae, natural di Saniklau, ta viaja oji (19) pa Oropa nundi ê stá bai grava alguns músika e tambê pa fazi si pruméru digressôn dêss ánu.
Próximu quarta-fêra, dia 24, Wadada ta entra stúdiu na França pa fazi alguns gravasôn pa iditôra di Holanda, França e Inglaterra.
E pruméru spetákulu di 2018 di kantôra stá markadu pa dia 26 na França, nundi ê ta stá kumpanhadu pa grandi kantôr jamaikanu sima:Earl 16 e Danny Red. Inda na França ê tem programadu pa 3 di Fevrêru um show na sidadi di Biarritz – konshedu komu sidadi di surf.
Pa silêbra aniversáriu di Bob Marley artista ta djunta ku alguns lenda di reggae jamaikanu sima: TwinKle, Brothers, Zion Train e Elephant Step na um spetákulu markadu pa dia 9 di fevrêru na Purtugal.
Êss pruméru tour dia nu di kabu-verdiana ta termina di 16 di fevrêru kum show na Santiago de Compostela, na Spanha – Lá Wadada ê kombidada spisial di grupu Zion Train ki ta stá ta kumimôra si 30 ánu di karrêra.