Regiunal di Santanton Norti: Pa 4ª jornada Sinagoga gánha Foguetões pa 1-0, Rosariense gánha Santo Crucifixo pa 1-0 e Beira-mar gánha Paulense pa 2-1.
Rosariense ta kontinua na liderança di kampiunatu ku 9 pontu, mésmu pontuasôn ki 2º lugar – Santo Crucifixo. Rosariense stá benefisia di midjôr goal average – na 3º lugar stá Sinagoga siguidu pa Foguetões, Beira-mar e Paulense inda stá zeradu.
Regiunal di Saniklau: ês fim di simana Akadémica e Belo horizente passa ta dividi liderança dipôs ki Mika gánha Ribeira Brava pa 1 -0 e Belo Horizonte gánha Praia Branca pa 2 – 0.
Ultramarina e Atlético impata 0 – 0 e Ajat gánha Talho pa 2 – 1.
Regiunal di Bubista: Sal-rei disperdiça oportunidadi di assumi liderança isoladu di kampiunatu dipôs kê impata 0 – 0 ku Sanjoanense na djogu di 6º jornada.
Sal-rei stá dividi 1º lugar ku Onze Estrelas, ku 13 pontu kada um. Ês fim di simana Onze Estrelas gánha desportivo, pa 2-1, Sfrica Show impata 1 igual ku Akadémica e Sporting gánha Juventude pa 2 – 0.
Regiunal di Brava: Sporting alkansa liderança isoladu di regiunal dipôs kê gôlia Akadémika pa 7 – 0 na djogu di 5ª jornada.
Benfika pêrdi oportunidadi di txiga pertu di 1º lugar pamódi ê pêrdi 2 – 1 ku Nô Pintcha – tambê Juventudi gánha Coroa pa 4 – 2.
Regiunal di Djarfôgu: Vulcânico gôlia No Pintcha pa 3-0, ABC derrota Cutelinho pa 2-1, Akadémica gôlia Spartak pa 4-1, Botafogo gánha Valencia pa 2-1. Tambê têvi: Nova Era 1 – Atlético 0.
Vulcânico stá lidêra prova ku 31 pontu siguidu pa Botafogo ku 25, Akadémica 21, Nova Era 18, Spartak, 17, No Pintcha 10, Cutelinho 8, Atlético 7 e ABC 4.
Regiunal di Santiagu Sul: Pa 12º jornada Sporting gánha Benfica pa 2-0 e Tchadense gánha Desportivo pa 2-1,
Ribeira Grande tambê gánha Travadores pa 2-0 e Celtic derrota Boavista, pa 2-1 e inda Bairro ganha Eugénio Lima pa 2-1.
Académica stá lidêra prova ku 33 pontu, siguidu pa Celtic (28), Boavista tambê (28), Sporting (27), Desportivo (15), Bairro (15), Ribeira Grande e Tchadense (13), Travadores (11), Benfica (10), Tira Chapéu (07) e Eugénio Lima (04).