kabu-verdianu Sergio Dias, di Emicela Team Cabo Verde, konkista 1º lugar na nónu idisôn di Maratona Cajasiete Gran Canárias ki kuntisi dumingo na Canárias.
Sérgio ki kumpiti na Meia Maratona di 21 kilómetru komplêta prova na 1 hora 7 minutu e 16 sugundu.
Ôtu kabu-verdianu, Wilson Cabral ki kumpiti na mesmu prova fika na oitavu lugar e na femininu kabu-verdiana Edena Lima fika na 4º lugar, ku témpu di 1 hora 26 minutu e 34 sugundu.