Kantôr havaianu Bruno Mars e rapper merkanu Kendrick Lamar foi kês grandi vensidôr di Grammy Awards 2018 – maior premiasôn mundial di músika.
Bruno Mars, di 32 ánu, ganha na tudu 6 katiguria kê staba nomiadu e ê didika prémius pa tudu sês fã.
E Kendrick Lamar, di 30 anu, konkista 5 prémiu di kês 7 kê staba nomiadu. Ôtu rapper merkanu, Jay-Z, um di kês más nomiadu di kel 60ª idisôn, ka lêba nenhum prémiu.
Além di mumentu musikal sirimónia di 4 hora tevi ôtus mumentu markanti sima spusisôn di muvimentu ki ta luta pa igualdadi e kontra agressôn sexual pa mudjêr.
Na mumentu di fotus na tapeti vermelhu munti artista uza um rosa branku komu símbolo di paz, speransa e resistência num apoiu a vítima di assédiu e abusu sexual na sinema.
Tambê prisidênti di mérka, donald trump foi kritikadu pamódi si pulitika d’imigrasôn – porta voz di kritika foi kantôra kubana-mexikana camila cabello.