Um di kês maior músiku di Kabu Verdi kompleta oji 64 anu d’idadi. Paulino de Jesus Santos Vieira, ô simplismenti Paulino Vieira. Ê nánsi dia 31 di Agosto di 1956, na Praia Branca – Saniklau.
Ku 9 anu d’idadi Paulino djá staba xinti a vontadi pa toka cavaquinho e violão. Keli ê prêndi sô ta odja alunus di um skola di músika ki si pai tinha na casa.
Dipôs ê bai studa na Són Visênti. Na skóla Salesiana, nundi efetivamenti ê kumêsa si perkursu musikal, êl era txômadu di “Menino-Prodígio”.
Piano e Clarinêti ê ôtus instrumentu kê ta executa ku mestria. Além di multi-instrumentista êl ê kantôr, orquestrador, pensador, studiôsu e piskizadôr di músika kabu-verdiana.
Kompusitôr ê konshedu pa ses grandi kompusisôn sima “M’ kria ser poeta”, “Um minute d’ silence”, “Prece di um fidje”, “Odie e Pobreza”, “Dia já manche”, “Sol di manhã” e “São Silvestre”.
Paulino tambê foi arranjador e produtor di kês principal álbum di nôs diva Cesária Évora, ku kenha ê tôka durante munti anu. Tambê ê ta observaba ôtus músiku kê txiga di lêba pa toka ku Cise sima kasu di Bau.