Filmi Vitalina Varela, di realizadôr purtuguês Pedro Costa, e nundi atriz prinsipal ê kabu-verdiana Vitalina Varela, stá entri kês 10 midjôr filmi d’anu.
Ileisôn fazêdu pa rivista maskulinu merkanu Esquire e na disputa staba 40 longa-metragem.
Filmi protagonizadu pa kabu-verdiana fika na 9º lugar na silesôn fêtu pa skritôr e krítiku di sinema di Nova York, Nick Schager.
Tambê di lusofonia, entri kês 10 midjôr stá filmi Bacurau di brasiléru Kleber Mendonça Filho, ki fika na oitavu lugar.
Filmi Vitalina Varela stréia mundialmenti na Agostu di 2019, na Fistival di Sinema di Locarno, na Suíça, nundi ê gánha prémiu Leopardo di Ôru e Leopardu di Midjôr interpretasôn femininu pa si protagonista.