Stá abertu inskrisôn pa tersêru idisôn di Meetup Trekking 2020 markadu pa kuntisi na Saniklau ku objetivu di impulsiona turismu.
ku léma “Bem splora Saniklau” eventu kê konshedu pa ser um fistival di kaminhada ta kuntisi di 13 ti dia 15 di Nuvembru.
Partsipanti di kaminhada ê kombidadu a konshi diversidadi di perkursu, paisagem, kultura e gastrunumia ki ilha t’ofrêsi.
Um di kês objetivu di eventu ê omenta procura turística pa impakta di forma pusitivu pequenu negósiu di ilha e ikunumia lukal di manêra geral.
Tambê êss anu pamodi kontextu di pandemia ê permitidu, no máximo, partsipasôn di 20 alguém por perkursu e adosôn di midida di sugurança sanitáriu rekomendadu pa otoridadi di saúdi.