Filmi “O fim do Mundo” di realizadôr luso-suíço, Basil da Cunha, quasi tudu faladu na kriôlu ta streia oji na salas di sinema di Purtugal.
Obra stá bai passa pa salas di sinéma di Lisboa, Porto, Braga, Coimbra, Faro, Setúbal e Viseu.
Trabadju, lansadu na 2019, djá konkista prémiu di Midjôr Longa-metragem Purtuguês e prémiu Árvore da Vida pa Midjôr Filmi Purtuguês, di Pastoral di Kultura.
Filmi passa na Reboleira, na Amadora, Purtugal, e êl ê um ritratu di juventudi e di bairro ki sa ta dzaparsi pamodi disisôn pulitiku, di akordu ku diretôr.