Silesôn di Kabu Vêrdi di Futiból manti na 78º lugar di ranking di Fedrasôn Internasiunal di Futiból.
Ikipa kabu-verdiana stá ku 1.313 pontu, dôs a ménus ki últimu atualizasôn, ki foi fêtu na mês di Fevrêru, antis di splusôn di pandemia.
Dentu di kontinenti Kabu Vêrdi manti na 16º lugar. Lista afrikanu ê lideradu pa Senegal, Vice-kampiôn afrikanu, ki na ranking mundial stá na vigésimu lugar.
Dentu di grupu di país afrikanu di língua português Kabu Vêrdi stá na tôpu, siguidu pa Moçambique, Guiné Bissau, Angola e São Tomé e Príncipe.
Tabela mundial ê lideradu pa Bélgica, siguidu pa França, Brasil, Inglaterra, Purtugal, Uruguai, Spánha, Croácia, Argentina e Colômbia.