Stá kuntisi manênti, na Praia, um formasôn sobri maskulinidadi pusitivu pa jovem rapaz.
Objetivu ê fazi formasôn txiga na kada um di kês munisipiu di país pa kria, na kada um, um núkliu di ómi kontra violência e prontu pa kombati dzigualdadi di géneru na Kabu Verdi.
Di akordu ku prisidênti di ICIEG, Rosana Almeida, pa tem um sociedade más tolerante, más igualitáriu, ku ménus violência, ê necessário trabadja ómi e ki keli ê ká um luta sô di mudjêr.
Nêss pruméru fazi di formasôn stá partsipa 30 rapaz e inskrisôn djá stá abertu pa um novu grupu fazi formasôn markadu pa dia 29 dess mês.
Êss pruméru formasôn ê um iniciativa di Institutu kabu-verdianu pa Igualdadi di Género (ICIEG) e Aldeias SOS ku apoiu di PNUD. Na 35 óra ta ser abordadu “Géneru komu konstrusôn susial”, “Violênsia Basiadu na Géneru e Direitus Humanu”, “Paternidadi e kuidadu” e “Novus forma di maskulinidadi”.