Dipôs di streia na um di kês sala di show más famôsu di mundu, Olympia ki ta fika na Paris – França, kantôra kabu-verdiana Mayra Andrade sa ta pripara pa más dôs show na Alemanha.
Mayra flá ma désdi sémpri, ao longo di si 20 anu di karrêra ê sunha atua nakêl emblemátiku sala di spetákulu.
Show marka fim di Manga Tour, ki retomadu assim ki salas di spetákulu bai ta abri dipôs di bum di pandemia. Digressôn era pa apresenta si más nóvu e 5º disku ki txôma “Manga”.
Góssi kriola tem markadu dôs show na Alemanha. Pruméru ta kuntisi dia 28 dess mês na Hamburg e dia seguinte ê ta atua na Berlim.