Nadadôra internasiunal kabu-verdiana Érica Soares ki sta studa na Senegal djá dadu bolsa di Fedrasôn Internasiunal di Natasôn.
Bolsa ta kubri tudu dispeza di formasôn di jovem natural di Tarrafal di Santiago duranti um anu.
Di akordu ku prisidênti di Fedrasôn Kabu-verdiana di Natasôn, Avelino Bonifácio, djá tem alguns mês ki pididu foi fetu.
Érica Soares kumpiti pa pruméru bez na natasôn na Són Silvestre na Tarrafal e dipôs ê riprisênta Kabu Verdi na pruméru Jogos Africanos di Praia, ki kuntisi na Junho d’anu passadu na Sal.