Djá inoguradu na kapital um Séntru di Dimostrasôn di micro jardinagem – um spásu di aprendizagem e partilha di kunhesimentu edukativu e pedagógiku pa promôvi prática di micro jardim na país.
Séntru lukalizadu na Parki 5 di Julho ta pretendi dispunibiliza pa munísipi um novu tknulugia di produsôn hortíkula na diferente tipu d’embalagem.
Ôtu objetivu ê kontribuí pa midjôra e enrikesi dieta alimentar di família ta usa produto kultivadu na kaza.
Inisiativa di Kâmara lukal ê finansiadu pa FAO Kabu Vêrdi na 1500 kontu e pa FAO Senegal na 500 kontu.