Oji ta kuntisi sugundu volta di ileisôn pa skodji próximo reitor di Universidadi di Kabu Vêrdi (Uni-CV). Kês dôs kandidatu ê Judite Nascimento e Arthur Furtado.
Pruméru volta kuntisi dia 19 dês mês ku 4 kandidatu: Judite Nascimento ki têvi 43,6% di votus, Arthur Furtado 36,4%, Corrine Almeida 13,5% e Eurídice Monteiro 6,5% di votus.
Judite Nascimento, ki ilegêdu na pruméru ileisôn realizadu na Universidadi, na 2014, stá kandidata pa si própi susessôn. Si léma ê “ Pa um Universidadi integrador, inovador e empreendedor nu ta avança djuntu”.
E Arthur Furtado, di Skóla di negósiu e Guvernação stá konkori pa pruméru bez ku léma “Um nóvu visôn”.
Mésas di votu stá na kampus di Palmarejo e na Skola di Negósiu e Guvernasôn na Praia, na Skóla di Ciências Agrárias e Ambientais na São Lourenço dos Órgãos e na Fakuldadi d’inginharia e Ciencias di Mar na Són Visênti.