“Prisionadu” ê nómi di más nóvu single di artista kabu-verdianu Thairo Kosta. Músika lansadu pa silêbra Dia Mundial di Hip Hop.
Trabadju ê didikadu pa kabu-verdianus ki ta sufri, di algum forma, na strangêru, longi di sês família, sem dukumentu e ku speransa di midjôra sês vida e vida di sês família.
Assim na trabadju Thairo krê evidênsia pressôn ki munti kabu-verdianu ta vivi longi ses terra.
“Prisionadu” tambê ê um forma d’omenagia tudu kabu-verdianu ki tevi koraji di sai di si terra pa bai djobi um vida midjôr, sem nenhum garantia e na meiu di tantu pressôn.
Músika stá na pruméru álbum di artista kêl dá nomi di Finakombersu, ki dêbi txiga merkadu próximo anu.