Vensidôr di prova rainha, di 10 kilómetru femininu e maskulinu, di kurrida di São Silvestri 2020, na Praia, foi dupla Sandra Teixeira e Wilson Cabral.
Sandra Teixeira fazi stória pamodi ê distrona Edena Lima, ki gánha prova na kês três últimu anu konsekutivu.
Edena, di Santantôn subi pódium na sugundu lugar e na si traz fika Adalgisa Varela, di Tarrafal di Santiagu.
E pódiu maskulinu fika organizadu assim: atleta di Santa Catarina Wilson Cabral, ku medalha di ôru, Artur Silva ku prata e António Cardoso ku bronze.
Na katiguria di 5 kilómetru kenha ki gánha na maskulinu foi Samuel da Veiga e na femininu fika Elisabeth da Graça. Na veteranus vensidõra na femininu foi Crisolita Rodrigues e na maskulinu troféu di 1º lugar bai pa Ailton da Luz.
Essa nu nobidadi di tradisiunal kurrida foi introdusôn di prova di 100 metru ki foi konkistadu na kês dôs katiguria pa: Carlos Morais más konshedu pa Zandú e Micaela Rodrigues.