Kapitôn di silesôn kabu-verdiana di Andebol Maskulinu, Leandro Semedo sufri, um lesôn na tendôn, durante stagiu na Purtugal e tem ki fika fora di quadra pa 10 dia.
Stágiu ê di priparasôn pa Mundial di mudalidadi ki ta kuntisi êss mês na Egipto.
Kumpitisôn mundial ta ranka dia 13 dess mês e silesionadôr nasiunal José Tomaz flá ma djugadôr ká dêbi stá na si máximu forma na inisiu di prova.
Keli ê pruméru bez ki Kabu Vêrdi stá bai disputa um mundial di Andebol. Ikipa nasiunal stá na Grupu A djuntu ku Alemanha, Hungria e Uruguai.