Prémius Grammy ki staba markadu pa kuntisi dia 31 dess mês djá adiadu pa mês di março pamodi pandemia.
Sexagésimu tersêru idisôn di eventu di atraibuisôn di prémiu di insustria diskográfiku merkanu ta kuntisi Califórnia, nundi númeru di infesôn tem stadu ta omenta.
Estadu más populôsu di Merka tem registadu tudu dia milhares di novus kazu d’infesôn e dia 31 di dezembru ê regista um record di 585 morti.
Organizasôn di Grammy tinha priparadu um serimónia adaptadu a senáriu di pandemia, sem audiênsia, sô ku apresentadôr e artista kombidadu.
Kantôra Beyoncé stá lidêra nomiasôn di prémius nundi ê sta indikadu na 9 katiguria.
Logu si traz stá Tylor Swift, rapper Roddy Rich e kantôra britânica Dua Lipa, kada kenha ku 6 nomiasôn.
Na idisôn dêss anu stá munti streia na nomiasôn. Ê kazu di: kantor Harry Styles, na 3 katiguria ku álbum Fine Line, sul-korianu BTS, nomiadu pa midjôr performance na duo ô grupi, e Strokes, pa midjôr álbum rock, ku “The new abnormal”.