Ess mês presu di combustível ta fika más karu na Kabu Verdi. Di akordu ku Agência Reguladora Multissectorial di Economia (ARME), produtos subi um média di 5,09 pur sentu.
Gasóliu normal sa ta bendedu pa 90 skudu kada litru, gasolina stá pa 112 skudu e 80 sentavu, petróliu stá pa 74 skudu, gasóliu pa iletrisidadi stá 74 skudu e 70 sentavu, gasóliu marinha 63 skudu, Fuel 380 stá pa 68 skudu e 80 sentavu e Fuel 180 stá vendedu pa 71 skudu e 70 sentavu kada litru.
Gás sa ta bendedu a granel pa 134 skudu e 90 sentavu kada kilu. Garrafa di 3 kilu stá pa 385 skudu, di 6 kilu stá pa 810 skudu, garrafa di 12 kilu e meiu stá pa 1.687 skudu e garrafa di 55Kg stá pa 7.421 skudu.
Presu di Gasóliu Normal, Gasóliu Eletricidadi e Gasóliu Marinha omenta 5,14%, 6,26% e 6,42%, respetivamenti. Gasolina e Petróliu subi 2,45% e 2,49% respetivamenti. Gás, Fuel 180 e Fuel 380 omenta 4,41%, 6,54% e 7,00%, respetivamenti.
Produtus ta bendedu pa kel presu li ti fim dess mês di Março, quando ta fazêdu um novu atualizasôn di presu.