Manhãn t’inoguradu pa Palácio Cultura Ildo Lobo, na Praia, um spusisôn di pintura di artista plástiku, di Santantôn e ki ta vivi na Són Visênti, Severo Delgado.
Spusisôn ta fika patenti na Galeria Intelectual, na 2º pizu, ti 4 d’Abril.
Tambê manhãn na kêl spásu cultural ta kuntisi um konsertu musikal ku Zito Kaumy Trio.
Pa sexta-fêra (5) stá programadu um Spetákulu di pintura ao vivu ku akompanhamentu musikal di Honky Tonk Jazz Band.
Um kombersu abertu stá agendadu pa Sábadu. Poeta Ary Reis ta kombida director-geral das artes e Industria Criativu pa papia sobri Literatura Adiadu. Logu dipôs tem um konsertu ku jovens Hilário Silva, DIEG e Mayra Neves.