Grupu musikal Os Tubarões ta silebra si 52 anu d’izistênsia kum jantar di gala oji na kapital.
Pamodi Pandemia, organizasôn flá ma stá kumpridu tudu regra di otoridadi di saúdi pur issu eventu ta fazedu num kou ki ta kebu 700 alguém mas só ku 200 kombidadu, pa kumpri distansiamentu.
Grupu djá grava seti álbum original, um kumpilasõn e um álbum ao vivo. Tambê ês fazi más di mil konsertu na Kabu Vêrdi e pa mundu.
Atualmenti, ê formadu pa Jorge Lima, Zeca Couto, Totó, Russo, Totinho, Bruno e Arlindo. Mas djá passa pa grupu nomi sima Ildo Lobo, Jaime, Chindo Morandi, Tozé Barbosa, Mick, Fortinho, Duia, Vitor, Albertino, Zé Brazão, Zequinha, Gulba, Zé Rui, Santos, Pitrólio, Hélder, Jorge Pimpa, Loló e Luisinho Lobo.