7º idison di Festival di Café di Fogo sta markadu pa kuntisi di 23 ti 24 des mês. Ku objetivu di valoriza e prumovi kel ke konsideradu um di kes midjor café di mundu, iventu ta kuntisi duranti doz dia pamodi pandemia.
Festival ki ta rializadu desdi 2014, ka kuntisi anu passadu e es anu adaptadu a situason atual ki país sta infrenta é sta ominagea tudu kenha ki tem kontribuidu pa dsenvolvimentu di café na Mosterus.
Idison des anu, ki ta risebi també um fera di artisanatu e di agro-negósiu, ki ta ranka es kinta-fera (22), ta djunta produtor, proprietáriu, impresáriu, dirigenti pulítiku, spesialista, impresa e operáriu di setor pa mumentu di partilha e kontatu.
Inda sta previstu um sesson spesial di inkontru literáriu “Café com Versos”, pa prisenta obra “Manual di Muder”, di Princezito.