Reggae woman kabu-verdiana Nish wadada stá entri kês artista kombidadu pa atua oji na Lisboa num show pa assinala 73 anu di Bob Marley.
Tambê ta atua banda inglês Zion Train, lendáriu grupu jamaikanu The Mighty Twinkle Brothers e inda grupu Elefant Step di Barcelona.
Show ê, tambê, na âmbitu di pruméru tour internasiunal 2018 di kabu-verdiana ki ta termina di 16 dêss mês num show na Santiago de Compostela, na Spanha – Lá Wadada ê kombidada spisial di grupu Zion Train ki ta stá ta kumimôra si 30 ánu di karrêra.
Resentimenti Wadada staba na studiu, na França, pa fazi alguns gravasôn pa iditôra di Holanda, França e Inglaterra.