Kabu-verdianus Cremilda Medina, Djodje e Mário Marta stá nomiadu pa International Portuguese Music Awards 2021.
Cremilda Medina stá nomiadu na katiguria di Midjôr Atuasôn na Quarentena, ku konsertu livestream kê fazi na junhu d’anu passadu.
Djodje stá nomiadu na katiguria Vidiu Klipi d’Anu ku Bela e Mário Marta stá konkorri na katiguria di Midjor World Music ku músika Aguenta.
Tambê na katiguria di Midjôr World Musik stá nomiadu artista purtuguês ki djá tem kantu anu ta vivi na Kabu Verdi, Zé Perdigão.
Indikasôn ê pa músika Amália (voz magoada da saudade) – músika di Khaly Angel ku kaptasôn na kapital studiu di Zunga Pinheiro, na Platô, misturadu e masterizadu pa Rob Leonardo e produzidu pa Hermany Alves.
Eventu stá markadu pa kuntisi dia 25 di setembru na Merka e artistas di seti país sa ta konkorri na 14 katiguria.