Na Són Visênti grupu di karnaval Vindos do Oriente rivalida títulu di kampiôn ku 1,4 pontu a más ki sugundu lugar – Monte Sossego.
Vindos do Oriente têvi 166,5 pôntu e Monte Sossego, ki konkista quasi tudu prémiu individual, fazi 165,1 pôntu.
Títulu di Midjôr Músika (Nação Montsú di Constantino Cardoso), Midjôr Rainha di Bateria (Miriam da Cruz), Mestre-sala (Guilherme Oliveira), Porta-bandêra (Alcione Sancha), Rei (Rui Marques) e Rainha (Célia Oliveira) foi konkistadu pa Monte Sossego.
Além di midjôr grupu, Vindos do Oriente gánha tambê títulu di 1ª e 2ª dama (Jamírcia Fonseca e Patrícia Camões) e Midjor Carro Alegóriku.
Na 3º lugar fika grupu Cruzeiros do Norte ku 159,2 pontu e Flores do Mindelo, últimu klassifikadu fazi 131,1 pôntu.