2º idisôn di festival Nha Terra Nha Kretxeu ta kuntisi dumingu li na Pawtucket, na Merka pa prumovi kultura kabu-verdianu.
Ideia é manti nôs kultura bibu e també silebra vida, union e amizadi na tempu di pandemia.
Festival Nha Terra Nha Kretxeu ta risebi tenda di kumida tradisiunal, undi ta sta riprisentadu 9 ilha, musika ao vivu, mini-fera di saúdi, desfili di tabanka e karnaval.
Inisiativa di ativista kultural, Melany Vieira ta kumesa 11 ora palmanhan e ta bai ti 8 ora noti.