Silesôn kabu-verdiana di surf ta viaja oji pa Dakar, Senegal, nundi ês stá bai kumpiti na 10º idisôn di Africa Tour Surf ki ta kuntisi ês fim di simana, dia 17 e 19.
Kumitiva kompostu pa kitsurfista Ró Barros di Sal, Kabungo di Tarrafal di Santiago, Evandro Barbosa di Praia, Augusto Duarte di Són Visênti e Jason Neves di Boa Vista ê komandadu pa prisidênti di Fedrasôn Kabu-verdiana di Surf, Emanuel Silva.
Ti sexta-fêra kês atleta nasiunal stá bai kumpri um planu di trênu e adaptasôn a onda e klima di sinegal.
Além di Kabu Vêrdi, stá representadu na prova atletas di África do Sul, Angola, Libéria, Madagáscar, Marrocos, Senegal, Serra Leoa, e um dligasôn di surfista internasiunal di França.