Oji intregadu, na Praia, acervu literáriou di skritôr Luís Romano, kompostu pa sérka di 400 kilu di livru di literatura, manuscritu e textu inéditu di autor.
Livru bem di Brasil, nundi ki autor vivu pá quasi 50 ánu, na Fragata Independência. Lá mê, na bordu di Fragata, Guvérnu kondekôra, a títulu postumu, skritôr ku Midalha di Ordem di Méritu Kultural di 1º Grau. Kêli ê um forma di rekunhêsi grandi kontributu ki skritôr, di Santantôn,dá pa konstrusôn di identidade kabu-verdiana.
Tambê Guvérnu kondekôra Marinha di Brasil, ku 2º Grau di Midalha di Méritu Kultural pa apoiu kê dá na transporti e entraga di acervu.
Manhãn ta ser lansadu na Praia livru póstumu di skritôr ku títulu Literoverdianos – um obra ku quasi 500 página ki ta reúni trabadju sobri stória di literatura kabu-verdiana.
Luís Romano de Madeira Melo foi um poeta, romancista e folclorista kabu-verdianu ku trabadju na purtuguês e na língu kabu-verdiana, variante di Santantôn.