Um kombersu abertu sobri poeta, jornalista e scritor Ovídio Martins sa ta kuntisi manênti na kapital pa silebra Dia Nasiunal di Kultura e di Kumunidadi.
Atividadi prumuvidu pa Ministériu di Kultura através di Arquivu Nasiunal di Kabu Vêrdi tem komu objetivu rakorda poeta, skritôr e jornalista ki ess anu ta kompletaba 93 anu.
Kombersu ki konta ku intervensôn di skritôr, poeta e jornalistas, sima ê kazu di poeta e skritôr Oswaldo Osório, tambê tem komu propósitu difundi e promôvi kultura kabu-verdiana.
Ovidio Martins nánsi na Són Visênti dia 17 di Setembru di 1928 e ê morri na 1999. Ê foi co-fundadôr di Suplementu Cultural. Tambê si involvimentu na atividadi di promosôn di independência lebal a ser prezu na Holanda. Flagelados do vento Leste ê um di ses poema más konshedu.