Halterofilista Evelino Rodrigues, di Praia, e Iguer Castro, di Són Visênti, ta riprisênta Kabu Verdi na Kampiunatu Mundial di Kulturismu, Fitness e Fitness Challenge, ki ta kuntisi di ogi ti dia 8 dess mês na Santa Susanna, na Spánha.
Atleta Evelino Rodrigues, vice-kampiôn Mundial di 2019, na katiguria Master Men Physique, ta kumpiti na dôs katiguria Master Men Physique, 40-44 anu e Men Physique ti 1 metru e 76.
E atleta Iguer Castro, atual kampiôn nasiunal, na katiguria Men Classic Physique, ta kumpiti na katiguria Men Classic Physique riba di 1 metru e 80.
Tudu dôs atleta tevi dôs mês di priparasôn, kada um na sil ilha.