Regiunal di Djarfôgu: Vulkaniku, líder isoladu di kampiunatu golia Cutelinhu pa 6 – 0 e ê manti liderança ku 8 pontu a más em relação a sugundu lugar Académica.
Désima jornada fika kompletu assim: No Pintcha 2 – Valência 1; Académica 9 – ABC 1; Atlético 2 – Spartak 0 e Nova Era 1 – Botafogo 0.
Regiunal di Són Visênti: Derby e Mindelense ta kontinua na liderança di prova ku 18 pontu kada um.
Êss fim di simana pa 8º jornada Derby gôlia Farensi pa 3-0 – mésmu resultadu ki Mindelensi derrôta Castilho.
kês ôtu djogu di jornada termina tudu impatadu: Salamansa e Batuque fika um igual, Académica e Ribeira Bote impata 3 – 3.
Regional di Santiagu Norti: Scorpion ê nóvu líder di kampiunatu dipôs kê gánha Flor Jovem, ki stába na liderança, pa 2 – 0 na djogu di désima jornada.
Scorpion stá ku 18 pontu – dôs a más ki Flor Jovem.
Kês ôtu djogu fika assim: São Lourenço 2 – Benfica 1, Desportivo 2 – Beira-mar 0, Ajac e Estrelas dos Amadores impara 1 igual – mésmu resultadu ki Grémiu – Varandinha.
Regional Santiago Sul: Boavista gánha Ribeira Grande pa 2 – 0 e ê kontinua na kalkanhada di Akadémika ki gôlia Benfika pa 4- 1. Axadrzados stá ku um pontu a ménus ki líder.
Kês otu djogu fika assim: Tchadense 1 – Celtic 0, Sporting 2 – Desportivo 0, Bairro 2 – Tira Chapéu 1 e Eugénio Lima 2 – Travadores 1.