Pugilista internasiunal kabu-verdianu, ki ta vivi na Merka, Demetrius Andrade, kampiôn mundial, agrasiadu ku 1º Midalha di Méritu Disportivu, dadu pa Guvernu di Kabu Vêrdi.
Sirimónia di omenagem foi presididu pa pruméru-ministru, Ulisses Correia e Silva.
Atleta ki ta kustuma kumpiti pa Merka ta stá sempre ku si bandêra di kabu Vêrdi pa mostra orgulhu di si raiz. Na mumentu kê resêbi Midalha ê flá ma “si sangue e si família é Kabu-verdianu. E ê krê lêba Kabu Vêrdi pa mundu, ku si trabadju”.
Demetrius ki nánsi dia 26 di Fevrêru di 1988 na Merka, stá na Kabu Vêrdi pa 1º bez e ê fazi si pruméru luta na Outubro di 2008. Di lá ê têvi 19 vitória pa nocaute, 12 pur disisôn di juiz e ê ka sufri nenhum derrota.
Mas como amador ê konkista midalha di ôru na National Silver Gloves Championships na 2002; Midalha di prata na Jogos Pan-Americanos di Rio di Janeru na 2007 e Midalha di ôru na Kampiunatu Mundial Amador di Boxe di 2007.