“10 di Pikinoti” ê nómi di más nóvu single di kabu-verdianu Thairo Kosta. Artista, ki ta vivi na Merka konta ku partsipasôn di rapper Djedje.
Na músika Thairo ta fazi um resumo di si trajectória di vida, ku sês realizasôn, difikuldadi e persistência pa konkista kêl kê sunha désdi pikinóti.
Artista flá ma objetivu di músika ê mutiva pessoas a persisti na realizasôn di sês sonhu mésmu ku obstákulu ô difikuldadi pa frênti.
Personagem di músika ta kumêsa ku diseju di ser um futebolista rekunhesidu internasiunalmenti mas difikuldadi ki tinha um bez pa realiza kêl sonhu li ká dexal avansa.
Dipôs ê kumêsa sunha na ser um músiku rekunhesidu na si terra e na strangêru. Kêl sônhu li ê flá ma stá realizadu désdi kê lansa si 1º single – músika ki Abril porta pa Merka, nundi ê tem progredidu na karêra.