Djogu amigável entri silesôn nasiunal di futiból maskulinu e silesôn di Marrocos, ki staba markadu pa manhãn nakêl país djá kanseladu.
Informasôn avansadu pa Fedrasôn Kabu-verdiana di Futiból
Djogu era di priparasôn pa CAN 2021 ki ta ranka dia 9 di janéru na Camarões. Ikipa nasiunal ta kumêsa disputa CAN na 1º dia di kumpitisôn num partida kontra Etiópia.
Ikipa sta konsentradu na kapital e inisialmenti foi anunsiadu ma internasiunal Yanick Stopira testa pusitivu pa covid-19. Djugadôr stá na isolamentu e di akordu ku Fedrasôn Kabu-verdiana di Futiból ê ka stá xinti nenhum sintoma. Resenti kumunikadu di FCF ma otus djugador di Marrocos tambê testa pusitivu.
Ku kel situasôn li, tudu trabadju di priparasôn pa CAN stá bem kuntisi na Praia ti data di embarque pa Yaounde, na Camarões.
Na trenu di priparasôn, Bubista sa ta trabadja ku 17 djugadôr. Tudu 26 konvokadu ta kumêsa trena djuntu a partir di 5 di janêru, 4 dia antis di arranki di kumpitisôn.