Kâmara Munisipal di Tarrafal di Santiagu suspendi tudu atividadi kutural programadu na âmbito di Dia di Munisipiu e di santo padroêru Santo Amaro Abade, ki ta assinaladu ess sábadu (15).
Suspensôn ê pamodi omentu di kazu di Covid-19 na últimus dia e pa evita aglomerasôn. Tambê adiadu tudu atividade disportivu programadu.
Tambê adiadu arranquei di obras pa konstrusôn di Rua Pedonal di kumérsiu, cultura e lazer di Tarrafal.
Ess anu populasôn di Tarrafal tinha responsábilidadi di djuda skodji artistas ki sa ta ba subiba na palku di festival di músika Nhô Santo Amaro Abade, mas pamodi sutuasôn di pandemia eventu kanseladu.
Stá previstu pa oji um sissôn solene presididu pa prisidênti di república José Maria Neves e pa manhãn ta ser realizadu habitual missa solene.