Ónti Kabu Vêrdi perdi pa 1 – 0 ku Burkina Faso na djogu di 2ª jornada di fazi di grupu di Kampiunatu Afrikanu di Nações.
Na kêlotu djogu di grupo A Camarões gánha Etiópia pa 4 – 1, silesôn anfitriã karimba si passaporte pa oitavus di final e tabela fika rumadu assim: Camarões na 1º lugar di grupu ku seis pontu, siguidu pa Burkina Faso e Kabu Vêrdi tudu dôs ku 3 pontu e Etiópia inda ka pontua.
Tubarões Azuis ta torna entra kampu sugunda-fêra (17) kontra Camarões. Na djogu, ki stá markadu pa 3 óra tardi, Kabu Vêrdi stá bai luta pa passa pa oitavus di final.
Di akordu ku regulamentu di CAF sô ta passa pa próximo fazi kês dôs pruméru lugar di kada grupu más kês 4 midjôr terseru klassifikadu.