Silesôn nasiunal di futiból djá txiga na sidadi di Bafoussam, na Camarões, nundi ês stá bai djuga oitavus di final kontra Senegal.
Partida stá markadu pa dia 25 dess mês, tersa fêra, na stádiu Kouekong.
Silesionadôr Bubista e médiu Nuno Borges djá sta rekuperadu di Covid-19 e assim ês ta integra kumitiva.
Latral Steve Furtado dispensadu di trabadju di silesôn pamodi ê torsi duêdju e rekuperasôn ta dura um kuzinha.
Avançadu Júlio Tavares inda sa ta avaliadu pa médikus pa sabi sê ta djuga ô não e na últimu trenu di Tubarões Azuis, Marco Soares fika di fora pamodi ê têvi um intoxikasôn alimentar.