Silesôn nasiunal di futiból termina oji si partsipasôn na 33º idisôn di Kampiunatu Afrikanu di Nações dipôs di perdi ku Senegal pa 2- 0 na djogu di oitavus di final.
Na 21º minutu di djogu kabu-verdianu Patrick Andrade dadu kartôn vermelhu e ikipa nasiunal kontunua djogu ku 10 na kampu.
Djogu bai pa intervalu impatadu 0 – 0 e na 2ª parti Bubista manda Diney entra na lugar di Pico Lopes.
Na minutu 56 Kabu Vêrdi fika kum djugadôr a ménus. Vozinha spulsadu ku kartôn vermelhu dipôs di um choki ku senegalês Sadio Mané. Dipôs di batida Vozinha lebadu pa Spital, mas algum tempu dipôs anunsiadu ma guarda-rêdis staba dretu.
Na minutu 62 Senegal marka 1º golu di partida e na minutu 92 Senegal dexa resultado na 2-0.
Na quartus-di-final, Senegal stá bai infrênta vensidôr di djogu entri Mali e Guiné Equatorial, ki ta disputadu manhãn (26).