Fundasôn Batuku tem programadu pa dia 31 di julho, Dia Nasiunal di Batuku, pruméru Fistival Internasiunal di Batuco na Kabu Verdi.
Di akordu ku prisidênti di Instituisôn, Bob Mascarenhas, eventu ta konta ku partsipasôn di grupu nasiunal e strangêru.
Djá stá konfirmadu partsipasôn di 6 grupu di diáspora: Inglaterra, Luxemburgo, França, Purtugal, Holanda e di Senegal.
E di país dêbi partsipa grupus di Santiagu e tambê di: Fogo, Maio, Sal e Boa Vista.