Móri oji Tadeu Manuel Monteiro Fontes, mas konshedu na meiu artistiku pa Sana Pepper, konshedu komu pai di Rock pruduzidu na Kabu Vêrdi.
Pepper ki era fã di grandi grupu internasiunal sima Beatles, Deep Purple e Rolling Stones foi fundador di um di kês pruméru banda di músika alternativu na kapital: “Os Relampagos” e “Sana & Djulay”.
Ê foi pruméru omenagiadu di stória di Grito Rock Praia, pa si impurtanti kontributu pa causa di Rock’nRoll na Kabu Vêrdi.
Sana nánsi dia 31 di Julho di 1950 na Platô – Praia. Êl sô ê prêndi toka munti instrumentu musikal, desdi gaita ti orgão, piano, guitarra.
Formadu na disportu nautiku, ê foi prussôr di Vela na stóriku Klubi Nautiku di Praia, tambê ê foi tékniku di INIDA e ku 66 anu d’idadi ê têvi um AVC, ki obrigal a fika menus ativu na músika.