Oji fazi 2 anu ki Jorge Neto dexanu. Show man kabu-verdianu mori na spital na Purtugal dipôs di sufri um AVC.
António Jorge Neto entra na músika ku 17 ánu através di konjuntu Dancing Reggae kriádu na Lisboa pa Zecabelo. Más tárdi, Zecabelo funda nóvu grupu virádu pa músika di Kábu Vêrdi ki txomába Bend´nóbu. Jorge Neto rikrutádu kómu vokalista prinsipal djuntu ku baxista Francelino ki éra di rabeládus.
Na 1982, ê muda pa Roterdão e na 1987, ê bem riprisênta Holánda na finalíssima di Todo Mundu Kánta na Párki 5 di julhu, nundi ê konkista 1º lugar ku músika “Rosinha”.
Mas kantôr ki mórri ku 55 anu d’idadi kumêsa fazi sucessu fikadu propi foi oras kê entra komu vokalista di grupu Livity.
Na Livity, kantor partisipa na kês 2 disku di konjuntu: Harmonia di 1991 e Rapazes Novos di 1993 e dôs anu dipôs ê kumêsa si karrêra sólu ku lansaméntu di CD Papia bu Manera.
Na idison 2011 di Cabo Verde Music Awards ê gánha prémiu na katiguria di Midjor Artista na Pálku. Tambê ê kustuma omenagiadu na gala Somos Cabo Verde.