Oji ê Dia Internasiunal di Língua Materna – um data ki surgi pa promôvi, preserva e protêgi más di 7 mil língua faladu na mundu interu.
Data proklamadu pa Unesco na 1999 e êl ê silebradu na tudu país membru.
Data (21 di Frevrêru) skodjedu pa lembra populasôn mundial di tragédia ki kuntisi na fevreru di 1952, quando alguns studanti matadu pa pulisia quando ês staba ta protesta pa rekunhesimentu di sês língua komu idioma oficial.
Eventu pa silebra data
Pa ess mês, atividadi na presidênsia di repúblika ê didikadu a língua materna.
Assim ta ser prumuvidu um kolókiu pa diskuti diferênti dimensôn ku objetivu di kontribui pa ofisializasôn di língua kabu-verdiana.
Inda prisidênti di república, José Maria Neves, anuncia si apoiu pa um ikipa ki krê traduzi konstituisôn di república pa língua kabu-verdiana.
Tambê 2º ciclo di konfrênsia d’ invistigasôn atual sobri língua kabu-verdiana ta kuntisi oji ku manhãn ku alguns konfrênsia sobri téma.
Objetivu ê promôvi idukasôn linguistiku na kontextu di kontatu, na Kabu Vêrdi e konfrênsia ta kuntisi na kampus di Palmarejo Grandi di Uni-CV.
Maiuria di konfrênsista ê prussôr e ês ta apresenta diferente tema sobri invistigasôn di língua kabu-verdiana, ensinu e aprendizagem.