Kabu-verdianu Luís Semedo resebi si 1º nomiasôn dess anu pa ser kumissáriu di djogu na liga di kampiôn afrikanu.
Konfederasôn afrikana di futiból nomia kabu-verdianu pa djogu entri Esperance Tunis e Etoile Sahel, dôs ikipa di Tunisia.
Djogu di 3ª jornada di Grupu C di kampiunatu ta ser disputadu sábadu li (25) na Tunísia.
Na djogu nundi Lito Semedo ê responsável máximu, arbitragem ê di Gâmbia.
Di akordu ku Fedrasôn Kabu-verdiana di Futiból, nomiasôn ta ingrandêsi nomi di Kabu Vêrdi na futiból afrikanu e tambê ê ta mostra prestígiu e confiança ki Confederasôn Afrikana tem na FCF e na ses agênti disportivu.
Tambê essa nu Konfederasôn africana nomia Ariana Fermino komu kumissária di djogu entri Guiné-Bissau e Burkina Faso, na djogu di pruméru môn di play off di acessu a fazi final di CAN 2022 femininu.